Author: Happy Pokhara

पोखरा, १७ पुस । प्रधानमन्त्री पुष्पकमल दाहाल प्रचण्डले आइतबार नवनिर्मित पोखरा अन्तर्राष्ट्रिय विमानस्थलको उद्घाटन गरेपछि पोखरेली र समग्र गण्डकीवासिको ४७ वर्षदेखिको सपना पूरा भएको छ । विमानस्थल उद्घाटनका अवसरमा अमरसिंहचोकबाट र्यालीमा सहभागी भई हजारौं पोखरेली छिनेडाँडास्थित कार्यक्रमस्थलमा पुगेका थिए । कार्यक्रमको उद्घाटन गर्दै प्रधानमन्त्री प्रचण्डले विकासका लागि भौतिक संरचना र कनेक्टिभिटी ठूलो कुरा भएको बताउँदै अव सरकारले निजगढमा समेत अन्तर्राष्ट्रिय विमानस्थल निर्माणको काम अगाडि बढाउने बताए । सरकारले विकास, सुशासन र सामाजिक न्यायलाई ध्यान दिंदै काम गर्दै जाने प्रतिवद्धता पनि उनले सुनाए । उपप्रधान एवं अर्थमन्त्री विष्णु पौडेलले पोखरा अन्तर्राष्ट्रिय विमानस्थलको सही र भरपुर प्रयोग अवको चुनौति भएको बताउँदै सबै…

गोरखा । गोरखा जिल्लाको गोरखा बजारमा आयोजित एक हप्ते एड्भान्स कुकिङ तालिमका सहभागीलाई हालै प्रमाणपत्र वितरण गरिएको छ । होटल संघ नेपाल गण्डकीका अध्यक्ष हरिप्रसाद शर्मा गैह्रे, होटल संघ पोखरा नेपालका अध्यक्ष लक्ष्मण सुवेदी लगायतका अतिथिले तालिमका ४० सहभागीलाई प्रमाणपत्र वितरण गरेका थिए । होटल संघ नेपालको आयोजना तथा संघको गण्डकी र गोरखा शाखाको समन्वयमा संचालित तालिमलाई युएनडीपी अन्तर्गतको सस्टेन्एबल टुरिजम फर लाइभ्लीहुड रिकभरी प्रोजेक्टले सघाएको थियो । तालिमको समापन गर्दै गोरखा नगरपालिकाका प्रमुख कृष्णबहादुर राना मगरले ऐतिहासिक गोरखा जिल्लाले पर्यटनको राम्रो संभावना बोकेको सन्दर्भमा आयोजित तालिमले सकारात्मक सन्देश प्रवाह गरेको बताए । गोरखा जिल्लामा थप होटल र पर्यटकीय पूर्वाधारको…

पोखरा, ४ कात्तिक । होटल संघ पोखरा नेपालले बैंक तथा वित्तीय संस्थाहरुले एकतर्फी रुपमा बढाएको ब्याजदर एक अंकमा झार्ने पहल नगरेमा नेपाल राष्ट्र बैंक र अर्थमन्त्रालय विरुद्ध नै आन्दोलनका कार्यक्रम घोषणा गर्न वाध्ये हुने चेतावनी दिएको छ । पर्यटन व्यवसाय कोभिड १९ को महामारीबाट नकारात्मक रुपमा प्रभावित भएको अवस्थामा बैंक तथा वित्तीय संस्थाहरुले मनोमानी रुपमा ब्याजदर बढाए पनि राष्ट्र बैंक र सम्बन्धित मन्त्रालय चुप लागेर बसेको भन्दै संघले शुक्रबार पोखरामा पत्रकार सम्मेलन गरी आन्दोलनको चेतावनी दिएको हो । कार्यक्रममा बोल्दै संघका अध्यक्ष लक्ष्मण सुवेदीले कोभिड १९ को संक्रमण केही मत्थर हुँदै गर्दा पर्यटन व्यवसाय लयमा फर्कने प्रयासमा रहे पनि…

पोखरा । गण्डकी प्रदेश सरकारका कानून,संचार तथा प्रदेश सभा मामिला मन्त्री विन्दु कुमार थापाले आफुले प्रयोग गर्दै आएको सवारी सुविधा फिर्ता गरेका छन् । आगामी मंसिर ४ गते हुने प्रतिनिधि सभा तथा प्रदेश सभा निर्वाचनमा गठबन्धनको तर्फबाट कास्की २ (ख) मा प्रदेश सभा सदस्यका लागि मनोनयन दर्ता गरेको भोलीपल्ट सोमबार मन्त्री थापाले सवारी सुविधा फिर्ता गरेका हुन् । मन्त्री थापाले गण्डकीको कानून,संचार तथा प्रदेश सभा मामिला मन्त्रालयको जिम्मेबारी पाएपछि प्रयोग गर्दै आएको ग १ झ ५६३ नम्बरको सवारीको चाबी मन्त्रालयको सचिव शम्भूप्रसाद रेग्मीलाई हस्तान्तरण गर्दै सुविधा फिर्ता गरेका छन् । निर्वाचनलाई मर्यादित बनाउन सवारी सुविधा फिर्ता गरेको मन्त्री थापाले बताएका…

पोखरा ५ वैशाख । युनाईटेड क्लवको १२ औ वार्षिकोत्सवको अवसर पारी पोखरामा सेती खोंच एक पर्यटकीय गन्तब्य विषयक अन्तरत्रिया कार्यक्रम सम्पन्न भएको छ । स्थापना कालदेखी पोखरामा शिक्षा, स्वास्थ्य, खेलकुद, पर्यटकीय गन्तब्यका लागि खुल्ला चिडियाखाना निर्माणको अवधारणा सहित सेती नदी संरक्षण र विपद ब्यवस्थापनमा काम गर्दै आइरहेको युनाईटेड क्लवले वार्षिकोत्सवको पूर्व सन्ध्यामा साताब्यापी कार्यक्रम अन्तर्गत तेश्रो दिन सेती नदी खोंच एक पर्यटकीय विषयक वृहत अन्तरक्रियाको आयोजना गरेको हो । अन्तरक्रिया कार्यक्रममा वोल्दै वातावरण विद, राष्ट्रिय प्राकृतिक श्रोत तथा वित्त योजनाका सदस्य माननीय जुद्ध बहादुर गुुरुङले युनाईटेड क्लव संग १० वर्षदेखी नजिक रहेको र क्लवले शुरुमा चिडियाखानाको अवधारणा ल्याउदा आफुलाई विश्वास…

पोखरा, ५ वैशाख । नेपाल सुशासन पार्टीका केन्द्रिय अध्यक्ष रमेश प्रसाद खरेलले पोखरामा निर्माणाधिन पोखरा अन्तर्राष्ट्रिय विमानस्थलमा १४ अर्व घोटला भएको दावि गरेका छन् । पोखरामा आयोजित आमसभालाई सम्बोधन गर्दै अध्यक्ष खरेलले ९ अर्वमा निर्माण सम्पन्न हुने विमानस्थलको लागत २३ अर्व पुर्याएर लोभिपापीहरुले १४ अर्व बाँडेर खाएको जिकिर गरे । यस्ता प्रकारका आर्थिक अनियमितताहरु दर्जनौ आयोजनाहरुमा भैरहेको उनले बताए । मुलुकमा अहिले मानव र दानव तथा सत्य र असत्यको बिचमा लडाँई जारी रहेको बताए । अध्यक्ष खरेलले मुलुकलाई व्यक्तिगत स्वार्थ र कुशासनले खोक्रो बनाएको बताए । पुर्व डिआईजी समेत रहेका अध्यक्ष खरेलले यो देश क्रमश चोर, पकेटमार र संगठित डाकाहरुको…

पोखरा, ३ बैशाख । गोर्खा कम्युनिटी पोखराले प्रथम गोर्खा खुल्ला भेट्रान्स डबल्स तथा अन्तर पल्टन ब्याडमिन्टन प्रतियोगिता २०७९ गर्ने भएको छ। बीर तथा इमान्दार गोर्खाजहरुको स्थापना भएको २०७ वर्षको उपलक्ष्यमा बैशाख ११ र १२ गते पोखरा ८ बगालेटोलस्थित सोपाल तमु समाज ब्याडमिन्टन हलमा प्रतियोगिता गरिने शनिवार सोपाल समाज भवनमा आयोजि पत्रकार सम्मेलनमा जानकारी गराईएको हो। ३८ देखि ५५ वर्ष, ५६ देखि माथि र अन्तर पल्टन टिम प्रतियोगिता(डबल्स र सिंगल)इभेन्टका खेलहरु हुने प्रतियोगिता संयोजक तथा गोर्खा कम्युनिटि पोखरामा संस्थापक अध्यक्ष मेजर लक्ष्मीप्रसाद गुरुङले पत्रकार सम्मेलनमा जानकारी गराउनु भयो। समाज विकासका लागि भुमिका रहेको गोर्खाजहरुलाई खेल मार्फत पोखरालाई योगदान पुर्याउन आयोजित प्रतियोगिताको…

पोखरा, ३ वैशाख । २२ वर्ष अघि निकै रुचाइएको गीत हो “पहिलो नजर” । अमित गुरुङको सिर्जनामा भाई गुरुङले उक्त गीतमा आवाज भरेका थिए । एउटै गीतबाट उनलाई सफलता मिल्यो । गीतलाई मन नपराउने कोहि भएनन् । सबैको मनमा बस्न सफल भयो । जताततै गुन्जिन थाल्यो । खासगरी युवायुवतीहरुको रोजाईमा पर्न सफल भयो । तत्कालिन समयमा पोखराबाट बनेका गीतले राम्रै सफलता पाउथ्यो । यहाँको पप गीतसंगीतलाई रुचाउनेहरुको जमात बाक्लो थियो । जसमा भाई गुरुङको “पहिलो नजर” नपर्ने कुरै थिएन । ५० को दशकमा ब्याण्डहरुको राजधानीका रुपमा पोखरालाई परिचित गरिन्थ्यो । भाई गुरुङ त्यस्ता बेला उदाए जतिबेला यहाँबाट स्थापित ब्याण्ड नेपथ्य,…

पोखरा, १ वैशाख । गण्डकी प्रदेशका मुख्यमन्त्री कृष्णचन्द्र नेपाली पोखरेलले स्थानीय तह, प्रदेश र संघ सरकारबीचको सम्बन्ध अझ मजबुत बनाउन सकेमा मुलुकको समृद्धि सम्भव रहेको बताएका छन् । नयाँ वर्ष विसं २०७९ का अवसरमा शुभकामना सन्देश जारी गर्दै मुख्यमन्त्री पोखरेलले कार्य सम्पादनका क्रममा भएका कमजोरीमाथि समीक्षा गर्दै प्रदेशको समृद्धिका लागि चाल्नुपर्ने कदमका बारेमा आम नागरिकको सुझाव र सल्लाहको अपेक्षा समेत प्रदेश सरकारले गरेको उल्लेख गरेका छन् । प्रभावकारी सेवा प्रवाह तथा सुशासन प्रदेश सरकारको पहिलो शर्त हो भन्दै मुख्यमन्त्री पोखरेलले संघीयताको अभ्याससँगै नागरिकका आवश्यकता र चाहना अनुसारका क्षेत्रमा काम गर्न हामी क्रियाशील रहेको बताए । उनले भनेका छन्, ‘प्रदेश सरकारले…

पोखरा, १ वैशाख । विन्दुवासिनी संस्कृत विद्यापीठ पोखराको अनुसन्धानात्मक व्यवस्थापन एकाइद्वारा प्रकाशित अनुसन्धानात्मक जर्नल ʿकौमोदकीʾ लोकार्पण गरिएको छ । जर्नलको विश्वविद्यालयका शिक्षाध्यक्ष भीमप्रसाद खतिवडाले एक कार्यक्रमकाबीच मङ्गलबार एक कार्यक्रमा बीच लोकार्पण गर्नुभयो । उक्त अवसरमा उनले विद्यापीठको वेबसाइड प्रयोग पनि शुभारम्भ गरे । कार्यक्रममा शिक्षाध्यक्ष खतिवडाले नेपाल संस्कृत विश्वविद्यालय स्थापनाको उद्देश्य अनुरुप ज्ञान विज्ञानको खोजीमा कृयाशिल विश्वविद्यालयका आङ्गिक विद्यापीठहरूले पौरस्त्य पाश्चात्य वाङ्मयको अध्ययन अध्यापनमा जोड दिइरहेको बताए । विद्यापीठले समयको गतिसँगै अनुसन्धान विधालाई अघि बढाएको बताउँदै उनले यो अन्यका लागि पनि प्रेरणादायी बन्ने विश्वास व्यक्त गरे । पृथ्वीनारायण क्याम्पस नेपाली विभागका प्रमुख प्रा.डा.कुशुमाकर न्यौपानेले संस्कृत वाङ्मयका ज्ञान राशिलाई विद्वानहरूले युगानुकुल…